अहाँ की देखलौं !!

अहाँ की देखलौं !!

 

चैर चक्का के गाड़ी
तैपर बैसल किछु मैथिल सवारी ?
अहाँ की देखलौं !!
यौ हम देखै छि ----रथ
सारथी जेकर कृष्ण छला
नव विकास के सृजन करैत
उ सब बाधा क तोइर बढैत गेला ..
अहाँ की देखलौं !!
यौ हम देखै छि ---भानु
मध्य रैत म उदित भेला
जे अन्हार-पीड़ा सब हरैत गेला
निरास युवा म नवस्फूर्ति भरैत गेला ..
अहाँ की देखलौं !!
कैक बरख स विस्म्रित भेल जे
अपने घर म आन बनल
आय ओहि सुतल उर
म स्वाभिमान जगल
गौरवशाली मिथिला निर्माण
आब सम्मान बनल
अनकड़ नै बात पुछू
अपने कतेक विरुद्ध भेला
धक्का देनिहार दुई, सौ लय मिलबैत गेला ..
संघर्ष हिमालय के उ चढ़ैत गेला उ चढ़ैत गेला ..
अहाँ की देखलौं !!

 

नीक या बेजाय जेहेन लागल  … जरुर कहब !